mandag den 10. juni 2019

EDUTILOS



                                                                              

                                                                                eingin
                                                                           er einsamari
                                                                             enn orðið
                                                                               einsemi




                                                                           tá orðið
                                                                            finnur
                                                                          eitt annað
                                                                               orð
                                                                          verður tað
                                                                           tvífalt so
                                                                          einsamalt
                                                                            tí tá er
                                                                           yrkingin
                                                                             á veg



.

lørdag den 8. juni 2019

KNØRR



                                                        Føroyar Føroyar tú ert so harðlig
                                                   við hjartanum fullum av køldum sparli
                                                 og fjøldin hon verður so grúuliga skjarrlig
                                                  tá hon rópar eftir hjálp frá sjálvum Carli
                                                       sum biður øll at vera meiri varlig
                                                  og hanga aftur úr onkrum øðrum darli
















*

VISTFRØÐI





                          áh
                          ástarinnar mostir
                          tú sum gav mær plástur
                          á sárið
                          tað árið
                          vit lógu á skítuvík
                          og skitu
                          áh tann hiti
                          tann hiti
                          tá vit sóu eina ritu
                          og eitt blunk úr tínum viti
                          tá vit sótu og litu
                          á ástarinnar stóru lortar
                          ið paraðust við ternumurtar
                          so smáar
                          so smáar
                          at eingin gáar
                          eftir
                          at hetta eru
                          framtíðarinnar knettir
                          sum onnur eina ferð
                          fara at kukka í pettir
                          so smá
                          so smá
                          at eingin
                          fær tey at sjá











.

lørdag den 25. maj 2019

EITT SINDUR AV "GRENJI" UM ÓSJÓNLIGT SPEI

Eg havi altíð hildið, at ummælarar - og lesarar annars - skulu hava rætt til at lesa og tulka mínar yrkingar sum tey hava hug til, eisini tá eg haldi at tulkingin er langt frá tí, eg sjálvur "ætlaði". Tað skuldi bara mangla. Eg havi eisini altíð hildið, at eg havi lov til at svara aftur. Royni sum oftast at lata vera og uggi meg við einum smíli. Men eg haldi, at í hesum førinum kann eg ikki lata vera við at siga frá. Eg vil við hesum svørja við hondini á telduni, at eg ikki hevði spei og bóndasamfelag í huga, tá eg skrivaði viðgjørdu yrking, ella ætlaði at skutla "Eg minnist úr gomlum søgum". Ummælarin meinar tað heldur ikki illa. Ofta verður speikortið togað úr ermunum, tá sigast skal okkurt klókt um míni eyðmjúku ljóð. Kanska hevur mann onkuntíð verið speiskur og kátur, men hetta orðið verður eisini av órøttum ofta brúkt um bæði ironi og humor. Og eg síggi einki av hesum í yrkingini. Hon er heldur ikki í slekt við haiku bara tí at hon er stutt. Tað stutta av tí langa er, at eg aðru hvørja løtu angri, at eg ístaðin fyri at skriva "søga", ikki skrivaði "sangur" ella "yrking" ella "filmur".



"Tóroddur Poulsen skrivar ikki haiku-yrkingar, hann heldur í hvussu er ikki teir formligu reglarnar um tríggjar reglur við 5-7-5 stavilsum, men fleiri yrkingar í hesum savninum og undanfarnum við bera á brá haiku: "tað var / í teirri / tíðini / tá hvørt / áratak / var / søga". Tað, sum eisini víkir frá í Tórodds føri, er tað eyðkenda speiið. Her ger hann gjøldur við, hvussu einastandandi alt var í gomlum døgum, og hvussu minnini um hesa tíð mugu varðveitast. Hugsa bara um allar bygdasøgurnar, og tær mongu bøkurnar um torv, seyð og alskyns annað innan tað føroyska bóndasamfelagið. Fyri mín part komi eg at hugsa um sangin  "Eg minnist úr gomlum søgum" eftir Rasmus Effersøe, har seinasta ørindið endar við reglunum:  "Latið ei søguna doyggja, / goymið hana so væl / í dreingja sinni og moyggja / hon mikið útrætta skal". Tað er ikki so, at eg haldi, at sangurin hjá Rasmus Effersøe verður beinleiðis skutlaður, men tað er líka við."

                                          Ummæli av Takrennutónum eftir Jógvan Isaksen í Dimmalætting 24-5-2019





                                                               . 



                                tað var
                                í teirri
                                tíðini
                                tá hvørt
                                áratak
                                var
                                søga














-

søndag den 19. maj 2019

MÁNAMORGUN



                                                     og so fór angin avstað við myndini
                                                       sunnudagurin fór við dansinum
                                                            tað endaði við javnleiki
                                                             og ongum bláum eyga

.

lørdag den 18. maj 2019

HVØR




alt er vandafult
segði
ja hvør fanin segði tað
jú tað var hann sjálvur
sum sat inni alt sítt lív
tí hann tordi ikki út
og doyði av blóðtøppi















*