LURTILØTA

vetrarbreytin
nei eg veit ikki
gummistivlar
óneyðugir
so leingi
stjørnurnar
glampa í
rómastampinum
og munnar
kunnu ikki
mettast
einans magin
fyllist og
skriftin
sigur tað
líka til
í morgin








.

HER

her eru
nóg
mikið 
av
orðum
til í
morgin





.

TÚ

                                        síggi ongar
                                        loynidómar
                                        í tínum 
                                        rukkum


                                       men eg síggi
                                       at tú hevur roykt
                                       og sólað tær
                                       alt títt lív










.

SÆLA

krákurnar á mønuni spæla shake your money maker
meðan hinir fuglarnir ýla av laksalýsnum
líka til teir fara at jodla
við grømmum bakkabapsamæli
at einki smakkar so væl sum pengar
at einki er so heilagt sum pengar 
at einki er so undurfult sum pengar
pengar pengar pengar oh pengar

summarið lokkar pengar úr fólki
sum aftur fyri fær vánaligan tónleik
sum langt síðani er farin á útsølu aðrastaðni
og sum skal billa okkum inn
at vit standa saman
um ta fólksligu fávitskuna






$

SÓL

eingin veit
enn hvussu
alt verður
ella ikki
um so
døggin
vil tað
ella
hvørvur
sum 
bók-
stavir
á
skíggja





-

STRÍÐ

heldur einki í dag
hugsaði hon
og skrollaði víðari
líka til streymurin fór






;

GRÁUR TÓMLEIKI

Nýggi føroyski tjóðbúnin, dýnujakkin, verður helst tað einasta sum fer at rigga til tað gráa monstrið úti í Marknagili. Hetta tómleikans tempil sum stendur og misprýðir okkara litfagra bý. 

Men kanska er eitt sindur av veiggi í okkara ungdómi, at hann fer við málingablikkum, spraydósum, penslum og kustum at mála útyvir alt hetta gráa og glasuta við alskyns litum, bæði innan og uttan. Nútíðar arkitektar ræðast litir, so fáið fatur í nakrar av teimum eisini og dyppa teir niður í nøkur stór málingaføt. So skulu teir læra nokk tað!











.

HON

Hon er so handilstannamølsk.










.

HANN

Hann sær mær so sólbrilluilskur út.











.