FLESK

Góð vulkaniserað hjól. Eg havi fyrr bæði rullað og trillað mangt eitt vetrardekkið. Sett nýggjan píka í stavin. So er at fara upp á gólv og træið má ikki vera fyri. Gásin rýmdi og fleskasteikin var av nýkiptum grísi. Kálið var av Sandi og reyða litingin úr málingahandlinum. Á vetrardekkinum gliðu nývígdir prostataprestar av einum borði í annað. Býttu út olmussu. Eina gillu til tín og eina til mín. Og so bleiv tugt og jaglað. Og tað bleiv skálað og hostað og ropað. Men í hesum endatíðum tordi eingin at láta úr endanum í svartkjólanámind. Og evangeliummið mátti ikki tyggjast sum tyggigummi. Vaglið var oyði og myrkt og kvirt og bíðaði eftir orði. Brádliga stóð ein hani har og gól í myrkari nátt. Var hetta eitt tekin um hvør ið koma skuldi? Ella var tað bara hanin sum var komin og ikki kendi mun á myrkari nátt og ljósum morgni?

HJARTA

*

NÆRKING

áðrenn vit

nærkaðust

hvørjum øðrum

sóu vit ikki

hvat vit ætlaðu

tíðin var ikki

okkara tíð 

men so skjótt

vit vistu tað

skiltust vit aftur

síðani

hevur altíð

verið hált

okkara millum

~

BÝURIN

oman í 

tann svarta býin

og síðani

tann grøna

og vit bíða eftir

at regnið

og spøkilsini 

skulu koma

við teimum

niðurtiknu húsunum

vit leingjast so illa eftir

tá vit aftur eru børn

sum turka snorið 

upp í ermuna

og samla upp á

glansbíløt 

og lúsingar

í skúlanum

@

UPPBOÐSSØLAN ER BYRJAÐ

uppboðsølan er
við hesum byrjað
av millum øðrum:

væl brúktum og óbrúktum húkum
góðir sum ongul í reyv
(mugu tó ikki krøkjast í skiparabúk)
saman við gomlum stampum
at brúka sum urtapottar
nøkur tons av gomlum agni
gott at fóðra deyðan fisk við
og so eru tað øll hesi trolini
at heingja yvir urtagarðar
so likkurnar ikki eta av frukttrøunum
tú droymdi um í nátt
eini hundrað túsund tons av stáli
góð at brúka sum gistingarskip
við trístjørnutari matstovu
sum millum annað skal borðreiða
við saltari og feskari luft
sum bert skal kunna keypast
og seljast á uppboðssølu

til ber einans at gjalda
við skugganum av tær sjálvum
um skuggin hevur fingið loyvi til
at vera skuggi
við ósøguligum rættindum


*

TRÍGGJAR DAGAR AFTRAT

Framsýning mín í Steinprenti endar hósdagin tann 30. november.

Og í hesum sambandi ein sena úr nýggjum føroyskum kerligsheitsfilmi ið skjótt verður sýndur í øllum hugsandi biografum:

*

DAGSINS H

LEYSIR BÓKAPRÍSIR

Í nýggjastu - óáhugaverda - Bókajól, sum er fylgiblað hjá tí enn meiri óáhugaverda tíðindablaðnum Sosialinum, stendur um nýggju bók mína, at hon kostar kr 248,00. Fer tú inn á heimasíðuna hjá Rit og rák kostar sama bók kr 198,00. Fer tú á heimasíðuna hjá H.N. Jacobsen kostar hon 148,00 krónur og sum er tann rætti prísurin, og sum eisini er tann prísurin sum er kunngjørdur á heimasíðu Sprotans, ið hevur givið bókina út, eins og á heimasíðuni hjá Bókamiðsøluni. 

So eg kann ikki annað enn mæla lesarum mínum til at keypa bókina har hon er bíligast.

148,00 krónur

hundrað og átta og fjøruti hundrað og átta og fjøruti hundrað og átta og fjøruti hundrað og atta og fjøruti hundrað og átta og fjøruti hundrað og átta og fjøruti hundrað og átta og fjøruti hundrað og átta og fjøruti hundrað og átta og fjøruti
hundrað og átta og fjøruti og hundrað og átta og fjøruti hundrað og átta og fjøruti hundrað og átta og fjøruti hundrað og átta og fjøruti kr 148,00

NØKUR BÍLØT AV MÍNUM MYNDUM

ð

RUNT

vit renna fram á vøllin
men har er eingin bóltur
og so renna vit aftur á vøllin
heldur ikki har er nakar bóltur
og so renna vit aftur og aftur og fram
og so er bólturin har men eingin vøllur
og vit eru heldur ikki har at renna eftir bóltinum
og nú er eingin bóltur og heldur eingin at syrgja hann








*

POLITISK YRKING

tað er ikki loyvt
at lesa hesa yrkingina
við alt ov bláum eygum

tað er heldur ikki loyvt
at lesa yrkingina fyri einum 
við alt ov brúnum eygum

hevur tú svørt eygu
mást tú einans lesa hana
í einum myrkum rúmi

og hevur tú alt ov grøn eygu
so er tað einans loyvt
at lesa yrkingina úti á bønum

annars kanst tú fáa reyð eygu
og so sært tú bara tað
sum tú sjálv/ur vilt síggja





*

BESSER

TEXTUR Á AFTARA KLAFFI

beint nú

skínur sólin

við ótýðiligum orðum

í nátt

regnaði tað

á sama hátt

sum altíð

( bara eg

skilti tað ikki )

eg má

fáa mær ein blund

á mínum

grótharða kodda

um eg skal

hava okkurt

at yrkja um

sum ikki snýr seg

um dreymar

              Á marknaðinum tann 13. oktober 2017








*

LANGATÍÐ

Eg havi einki skrivað her í longri tíð. Eg havi yvirhøvur einki skrivað her í longri tíð. Eg veit ikki hví eg einki havi skrivað her inni í longri tíð. Í nógvar vikur havi eg einki skrivað. Í næstan tveir mánar havi eg yvirhøvur einki skrivað her inni. Eg veit sum sagt ikki hví eg einki havi skrivað her inni í so langa tíð. Eg rokni heldur ikki við at fólk leggja nakað í tað at eg einki havi skrivað her í so og so langa tíð. Eg leggi helst heldur einki í at eg einki havi skrivað her í allar hesar nógvur vikur ja næstan mánar. Eg haldi at tað bara skal vera so at eg yvirhøvur einki skrivi her inni í langa tíð. Í langa tíð er tað bara so at tú einki skrivar í langa tíð. Og soleiðis má tað bara vera at tú yvirhøvur einki skrivar í langa tíð. Tann langa tíðin krevur bara av tær at tú einki skrivar í hennara longu tíð. Soleiðis er tann langa tíðin at hon spyr ikki meg um eg skal skriva nakað í langa tíð.




-

KLOVSTIVLAR

- Her hendir ikki nógv. Agurk uppá breyð tríggjar ferðir um dagin. 
- Hevur tú søkt um pláss á røktarheimi? 
- Nei, eg veit heldur ikki, hvussu djúpt eg skal gravast niður. 
- Men á ólavsøku fert tú, veit eg. 
- Nei, ver ikki býtt. Eigi ongan lakajuniform. 
- Lat teg í tín gamla oljudans! 
- Kanska tað tú, og so í Sjónleikarhúsið í hoppidans!
- So verður tú turrur, tá tú kemur út aftur!




.

ÓLAVSØKUMINNI

*



sekstan ár
síðani
eg seinast
og síðst
var á árligu
grýluveitsluni

líði sera illa av
grýlubúnaovurviðkvæmni
eins og eg heldur ikki toli
fosturlandskórkitsch
nazihorntónar
og hoppidans



*

RÁTT OG VÁTT

veðrið er sum

tað skal vera

klárt

at scanna inn

í kassan

nógv løgin

fyribrigdi

sóust

meðan vit

arbeiddu

við framsíðuni

á bókahandlinum

ráðið

vil enn ikki

hava allar

stavir við

men tað 

leggur regnið

einki 

í

men

so kom

enn eitt

uppskot

men tað

er ikki 

turt enn

*


dryppini
eru góð tekn
at leppa
í seg
tá eingin
annar tosti
kitlar
ta ráu
sjónina



.

SKRÍGGJ

FUCK HOT DOGS

FUCK BIG MAC

FUCK DONOUTS

FUCK FLESKASTEIK

FUCK FALAFEL

FUCK SHAWARMA

FUCK TACO

FUCK TORTILLA

FUCK PIZZA

FUCK MOUSSAKA

FUCK GYROS

FUCK NUDLAR

FUCK JIAOZI

FUCK DIM SUM

FUCK SÚRSØTA SÓS

FUCK RAMEN

FUCK RATATOUILLE

FUCK SUSHI

EG VIL HAVA KNETTIR

!

DAGBÓK 3

fleiri nyksrósur

eru fleiri nyksrósur

eru fleiri nyksrósur

eru fleiri nyksrósur

eru fleir nyksrósur

eru fleiri nyksrósur

eru fleiri nyksrósur

eru fleiri nyksrósur

og eg
eri ikki monet
ella stein
men havi tvey bein
sum kenna mín veg



*

.