| vasin er ein karaffil tí eingin vasi var til so nú er eingin karaffil tøkur |
søndag den 11. juni 2017
lørdag den 3. juni 2017
FRÁBOÐAN
kenslupakkar
verða sendir
øllum kensluleysum
í morgin
snimma
koma armleysir
postmenn
(og -konur)
við teimum
vónandi
verður tikið ímóti teimum
við sama kulda
sum tá aðrir pakkar
verða latnir
móttakarunum
*
LAGNA
neyðars maður
neyðars maður
noyddur í slips
noyddur í slips
neyðars maður
neyðars maður
*
mandag den 29. maj 2017
JØRN
koma
vit longur
enn aftur
og fram
og niður
á botn
og upp
aftur og
aftur segði
skaldið og
meig saltan
sjógv á
reypandi
skiparabjølg
trúfesti
hon er stór
tygara
tú veit
ikki sannheit
sangir
eru
sloyfir
men hetta
er so nógv annað
ætlan
latin
aftur
eingin
sýpur
støddir
skúgvur
skríggjar
bakur
omanlop
ferfaldur
búskapur
rullukragi
niðaneftir
nakkaspiki
rørini
vellingur
skallabrot
endurskoðar
drekkivatnið
spjaldrarustur
fóðurtunga
uppskotsslógvið
mánadagsgjálv
gluggatarvur
skemtisýnir
knappanálir
vøluspáddur
æðraknútur
veðurprýðist
ongastaðni
dómamorgun
heimaspjaðist
*
fredag den 26. maj 2017
LOGG
tað nýggja bókasavnið
er í gerð sum skulpturar
teir fara at síggjast betur í heyst
tað var
ikki bara
ein súkkla
tað vóru tvær
tað var
ikki bara bara
ella einans einans
eysturtýsk
erika
við ongum
ð´i
gav eitt
gott stev
tá fingratrýstið
var oman fyri miðal
stendur
á nøkrum stórum
innrammaðum
og innpakkaðum
steinprentum
sum eg ikki
havi ánilsi av
hvat eg skal gera við
í morgin stendur okkurt annað her
seks og tjúgu hitastig til dømis
ella eg dugi ikki líka væl karate sum teir á filmi
men teir lata bara sum um
tað geri eg eisini tá eg hyggi at tí
og sløkki knappliga ella fari yvir á aðra rás
fjarstýrarin er mín skambyrsa
sum meddar so væl móti tómleikanum á skíggjanum
so eg fari at leingjast eftir kava og kavamonnum
sum kunnu geva mær eina meining við tilveruni
eina bók úr kava er næsta verkætlanin
úr kava sum ikki kann bráðna
fyrr enn vit sjálvi bráðna
sum garnatálg á dómadegi
*
mandag den 22. maj 2017
DAGBÓK 2
tá tú hevur
sett á
hugflogið
og gjørt tað
til eitt brot
av gomlum døgum
soleiðis
sóu tær út
teldurnar
mínir
grótmannaforfedrar
evnaðu til
vil meitlum
og hamarum
himmalsins
portur
teirra ivandi
er eisini
eitt portur
tá so nógv
er at fara til
og eingin vil við
okkurt
skal mann
hava at
takast við
tá mann flytur
heim aftur
helst rann hon undan onkrum
og so fór hon úr skónum
fyri at renna skjótari
og so fekk hon bara annan skógvin við
í hondina
hopi ikki
at nakar fangaði hana
fleiri deildir kanska
tá tú flytir heim
sumt
kann bara síggjast
har tú sær tað
og tó
viðhvørt
er tað ein fyrimunur
at vera tann spannin
sum verður sett uttanfyri
ikki minst
tá allar hinar
eru líka turrisligar
spyr ikki meg
nær sólin skínur
ella nær tað verða grindaboð
eg veit bara eitt
eg síggi bara blátt
soleiðis
sá veruleikin
eisini út
tá vit spældu har
*****
eina tablett
fyri orðaviðkvæmi
tvær fyri vantandi kærleika
fyri tí siðbundna
og tríggjar
fyri rímneyð
.
søndag den 21. maj 2017
søndag den 14. maj 2017
DAGBÓK
tað var ikki ein
men tveir
sum søgdu
við hvør sínum munni
at tað vóru tríggir
eingin veit
nær urtapotturin
dettur á gólv
hárið
liggur
á gólvinum
sum minnir
um eitt hermót
har tað
endaliga slagið
skal standa
um tann fyrsta bóltin
ongantíð fyrr
hava so nógv sagt
ongantíð áður
berføttur
flýggjaði hann
gjøgnum
ein skógvhandil fyri
og annan eftir
at kroysta
orðini
úr sær
og síðani
tveita seg
burtur
her er skriftin
ikki sannari
enn slóðin
í kavanum
men dreymurin
um hvítt kaffi
sum smakkar av snyki
lýgur íkki
búgv
har
tín trúgv
sigur:
súgv!
tá eg var tíggju
var eg ikki tólv
men tá eg var fjúrtan
var eg tjúgu
tann
síggjandi
er
viðhvørt
eisini
tann
spýggjandi
so nógvir kavbátar
á havsins botni
leingjast eftir
vatnskorpu
~~~~~~~~~~~~
Etiketter:
beinrás,
hetjuflog,
skuggar,
snoddpadda
Abonner på:
Opslag (Atom)
