SØGA

 

 

                                                     tá hon

                                                      sigur

                                                     at hon

                                                 ikki megnar

                                                     at lesa

                                                    eitt lítið

                                                 yrkingasavn

                                                     út í eitt

                                                    so er tað

                                                  ikki so løgið

                                                      at hon

                                               saman við øðrum

                                               brúkar hundrað ár

                                                       at skriva

                                                    eina neyðars

                                                  bókmentasøgu

 

 

 

 

 

                                                            +

NÝBAKAÐ

 

 

 

 

 

 

 

 

 

 

 

 

 

 

 

 

                                                                                        *

VER VÆLKOMIN VERLJÓÐ

 

 

                                                          eg eri ein steinur

      

tí tá verði eg líka ringur

at skilja sum asfaltið

 

tú gongur á

 

 

 

 

 

 

 

 

                                                                                 *

GAMAL KÁMUR LEPI

 

 

 

VERLJÓÐ

 

ERU VIT IKKI

                                                                    

 

eru vit ikki

                                                                        skjótt har                                                                       

 eingin tekin eru

hvørki á himni

ella sjógvi: og

eingin eldur

er størri enn

tann vit sjálv

framskunda

tá vit trúgva

í allar ættar 

og tá vit tyggja

trygt tað grasið

sum er vaksið

onkra aðrastaðni

og skíta tað

út aftur har

okkara grør

sum um

tað var ein

aldingarður

 

 

                                                 og vit stjórna

                                                                      okkara egna

                                                                                    gramleika

                                                                               við kensluleysum

                                                                                    hondum

                         sum        til síðst

                                          neyvan

verða seldar

til lægtsbjóðandi 

ella til tann 

húðleysa

tungusavnaran

sum ger

íløgur í sína gikt

 

 

 

*

MØRK

        

         

 

 

teir sum merkja

markið og kenna tað sum um

teir ongar kenslur hava

so teir køva náttargalan

við spræni frá uppblástum varrum

men einki hoyrist um tær

sum ikki sveiggja lurkin

td eina nátt

sum hina náttina

tá vit øll hildu

at vit sótu í einum seinnaparti

og drukku kaffi

og tingaðust um

hvat vit skuldu gera við dúgvurnar

og teirra kurrandi skvetting undir loftinum

so tey sum ikki brúktu mjólk útí

hildu at tey gjørdu tað

og í somu løtu

komu svartklæddar lurkasveiggjarinnur

upp úr gólvinum

og slóu frá hond

við ímyndaðum lurkum

og einki hjálpti

at vit lótu sum náttargalin

tí tær kendu hann líka illa

sum tær kendu okkum

*