.
Eingin
bót
batnar.
Eingin
bati
bótnar.
Einki
batt
brotnar
uttan so
at Batman
rodnar.
Eingin
Batman
blotnar
uttan at
bótin
batnar
og
Batman
lætnar.
onsdag den 21. august 2013
mandag den 19. august 2013
HER
Ja tú, her er nógv av lesnaði. Og tað legst til alla tíðina. Orð sum orka. Orð sum snorka. Orð sum halda kjaft. Orð sum drekka saft. So lesið tygum og blaðið. Áðrenn vesið og baðið.
søndag den 11. august 2013
SUMMARSLIGT
á veg oman
til postkassan
traðkaði hann
av óvart
á eina drotning
og fekk ringa
samvitsku
eina løtu
bara
eina lítla løtu
tí hann aldrin
hevur lagt nakað í hunang
og enn minni í drotningar
.
torsdag den 1. august 2013
SÁR
gangi í gomlum skóm
á einum nýggjum vegi
og lati skýggini skiftivís
siga seg sjálvi
meðan søgurnar
sita kvirrar og lurta
og fuglarnir tulka
fyri teimum deyvu
og teimum sum ikki hoyra
fyri tí jarmandi seyðinum
hóast tey ikki skilja fingramál
ella tá laksurin springur í ánni
og líkist einum ælaboga
og tá grindin leggur beinini
áðrenn hon rýmir út aftur til havs
á hondunum hon skræddi
av teimum blóðtystu grindamonnunum
sum nú liggja á sandinum og bløða
.
Abonner på:
Opslag (Atom)