LOYSING

 

 

Hann fór oman í fjøruna at loysa sær buksurnar. Men buksurnar vildu ikki loysast. So kukkaði hann í tær, og tá bønaði og bóðu buksurnar hann um at vera loystar. Tá vildi hann ikki. Kortanei.

 

 

 

 

 

 

* 

ROYNDARVIT

 

 

                                            

 

 

 

                            nú royndu vit

                            á øðrum leiðum

 

                            øll onnur royndu

                            á somu leið

 

                            hóast tey einki fingu

                            kendu tey seg heima

 

                            á hesi trároyndu

                            leið og kendu á sær

 

                            at fóru tey aðrar leiðir

                            so sviku tey gamlar siðir

 

                            og at tað fór at hevna seg

                            tá fiskurin kom aftur

 

                            og kom hann ikki aftur

                            góvu tey frøðingunum skyldina

 

                            og tá kundu tey gremja seg

                            um væntandi almennan stuðul

 

                            og caffelatte drekkandi

                            stakitpissarar suðuri í havn

 

                            sum spældu listafólk

                            fyri pengar hjá skattaborgarum

 

                            ið ikki pissaðu á stakitt

                            men á ekta elektriskt hegn

 

                            so teir merktu næstan somu líðing

                            sum teir ið noyddust at míga á sjógv

                                                            

                                                    

                                                        

ÁÐRENN TÚ VEITST AV ER HENDA BÓKIN Á MARKNAÐINUM

 

         

 

                Um stutta tíð, við teksti á rygginum, tá hon kemur. 

                Helst í næstu viku.

                                                                      

 

                                                    *

ÓDOYPT

 

                        Ódoypt.

                                    *

TRANSLATE?

 

 

"Eg havi ikki kukkað í dag" verður týtt til "Jeg har ikke tjekket i dag" på google translate

 

So skrivi eg: "At kukka er tað sama sum at skíta" og google týðir "At lave mad er det samme som at lorte" 

 

"Dámar tær ræstan fisk?" spyrji eg og fái svar á svenskum "Gillar du påbörjad fisk?"

Og "Google dugir illa at týða úr føroyskum" verður "Google er ikke god til at oversætte fra engelsk" og tá eg týði til enskt verður "føroyskum" til "English" og til íslendskt "ensku".

 

 

*

ALLIR LUKTIR ØRKYMLA MÍN STAÐARSANS

 

 

                             Kemur fyrsta dagin í bókasølubúðirnar. Og                                                              netsølubókabúðirnar.

 

 

                                                    *

TÚ SUM IKKI SÆST Í MÍNUM LJÓSI

 

 

 

                                tú sum ikki sæst í mínum ljósi

                                liggur í einum vetri og tigur

                                heldur um eina følnaða rósu

                                tá tú umsíðir reisir teg og sigur

 

                                at alt tað tú sær er ikki bara myrkur

                                tað tú følir er ikki bara kuldi

                                vilji hugans er altíð góður styrkur

                                tá eg vermi meg við eini huldu

 

                                sum kemur úr einum øðrum heimi

                                har loyndirnar eru hitakeldur

                                eg merki tað tá eg aftur sveimi

 

                                gjøgnum glærar lygnir og aftur sanni

                                at hjartað er bert ein lítil eldur

                                sum tá eg á fyrsta sinni fann teg

 

 

 

 

 

                                                                                    *