hoyrdi eitt skot í áðni
so nú skal onkur hava krúnhjartarkjøt
eg skal so einki hava
haldi tað er so ómansligt
at skjóta eitt dýr við riflu
eitt dýr sum ikki kann verja seg
tí tað hevur ikki lært seg at skjóta
og tað nyttar lítið at duga væl at renna undan
tá drápsmaðurin nýtir kikarasikti á rifluni
og harafturat hevur fýrahjólsdrivnan jeep
at koyra aftaná tí sum etast skal
í kvøld á onkrari fínari matstovu
har skotini
sum eg hoyri
ikki hoyrast
.
Ingen kommentarer:
Send en kommentar