GJØRT

segði

hann tað

at tað var

hálvgjørt

men meinti

at tað var 

ógjørt

meðan førini óku

við hostandi motorum

og fet vórðu stigin

av bangnum beinum

og skýggini

snerktu og gálvaðu

sum um tey

sóu okkurt

stuttligt

*

FRUMSÝNING

Í GJÁR

tað var langt

ímillum okkum øll

í bussinum

tað var óneyðugt

at rópa eftir

hvørjum øðrum

ella at hosta

fyri at gera vart við

at ein var á lívi

um nakar smíltist

veit eg ikki

tí vit vóru øll ov fjar

tó høvdu øll álit

á sínum telefonum

sum tey prátaðu við

øll uttan eg

sum læt mína

liggja eftir við hús

so hon kundi njóta einsemið

sítt egna lív

*

FRAMSÝNINGIN

Framsýningin, AVBYRGINGAGEDDON OG AÐRAR FRÁSTØÐUR, hon heldur áfram í STEINPRENTI Skálatrøð 16. Onkur verk fara, og onnur nýggj koma til, støðugt.

                                            Kandidatar til koronakapprenningina í Klaksvík.

                                      OG NÓGVAR, NÓGVAR AÐRAR !






*

ÆTTARTRÆ

um tað

er einki

annað

at siga

enn at

tað 

veksur

&

*

AVBYRGINGAGEDDON OG AÐRAR FRÁSTØÐUR

Hon er ikki so væl avtikin, myndin uppi yvir hesum teksti. Helst er tað við vilja - havi sjálvur tikið - men hon er á plakatini til framsýning mína - og har er hon betur avtikin - í Steinprenti, Skálatrøð 16,  og hevur hon  heitið AVBYRGINGAGEDDON OG AÐRAR FRÁSTØÐUR

Myndirnar eru gjørdar við vatnlitum, oljukriti, koli, penni, tussj, spritttusj, blýanti og livralýsi. Góða framsýning øll somul!

.

FUNNIÐ

gomul

sjónbond

og

smittaðir 

skuggar

krógva seg

hvar eg

so fari

við mínum

tónum av

fornum

sjónum

*

LÍKNILSI

tann stóra jarnhurðin

sum var so ring

at fáa upp

er nú dottin niður á

bókmentafrøðingin

sum misskilti alt

hann vildi skilja

soleiðis bara hann

vildi skilja tað

*