torsdag den 12. september 2013

torsdag den 5. september 2013

RENTA




set bróstini í bankan

og fá mjólk í rentu

tá tú aftur verður barn














.

GLOYMT






bara eg sjálvur
kundi funnið uppá
at skrivað
at hetta
havi eg gjørt
tí at sjógvurin
vildi tað
eins og tá
brillurnar
gloymdu
eyguni







.

FULLMÁNI




fullmáni

siga tey




men mánin sjálvur

hvat man hann kalla tað











.

GRAS



dreymagrøs

fáa meg at njósa

enn eina marru

so eg haldi

at eg vakni












.

ULL




í havsbrúnni
ganga orðini
aftur og fram
og vassa
í
muninum
millum
hjá- og sjálvljóðini
og av tí sama
varnast tey ikki skipini
sum sigla avstað
við fullum lastum
av stolnum bókstavum
ballaðum inn í ull
sum er skrødd av seyðinum
ið  eigur hesar neyðars oyggjar
sum einki egið mál vilja eiga








.

mandag den 2. september 2013

GUMMI




so nógv skip
hava ligið
við hesa bryggju
og gnaga
gomul bildekk
sum í gomlum døgum
trillaðu millum
bygdir við
countryløgum
í oyrunum
á villum
bygdaungdómi
og elefantum
í viðførisrúminum
og helst eisini
onkrari hít
í reyvarlummanum

søndag den 1. september 2013

TUNNILSSJÓN





eri býurin
sum svølgdi
øll eygu
so tey kundu
síggja tað
sama sum
hann tá
hann heldur
vildi vera
ein bygd
av blindum
borgarum










,