FRÁSTØVUT STØÐA

frástøða  

hjástøða 

lágstøða

 rástøða
gleivstøða
skrástøða
skeivstøða
sleivstøða
rangstøða
niðurstøða

góðaráðstøða 

óðasturáðstøða:

støðufrámerktur 

frástøðumaður

liggur í strástøðu

sum støvutur
smittustrámaður

við ongum spritti

sum skuldi verið í tunnu

men hann liggur nú og mungar

við bindi fyri munni

og hann bønar og biður

 á góða fitta fitta mín

kanst tú ikki spritta tín

so eg aftur kann lyfta vín

sum eitt gamalt svín

og liggistøðumaður

sum kann fáa tað hálva løgting
ið leskar vára tystu kapitalismu

at lata meg upp eins og móses við stavi

tá hann deildi havið

sum var tyngri enn sprittið

 sum eg ikki enn lyfti

so eg verði tín fitti

á fitta fitta mín:

 mítt handartváttarkonubrot

sum heldur seg hálvar og píkatríggjar metrar

frá vaskinum og tveir metrar frá sápuni

og fimm metrar frá sprittinum

og einum millimetri frá samfelagssinninum

og tað skrivar løggusprittveldið við feitari sápu

at tá tú heldur

títt samhaldsfasta samfelagssinni

longur inni

enn tveir metrar

og í minst tveir vetrar

ert tú samfelagssinnissjúkur

sum ein rustaður húkur 

í búkinum á manninum við løggu

sum tosar sum eitt

ið liggur í vøggu

á sóttarhald

á sóttarhald

eg gevi teg yvir

í mítt vald

                                                     

                                                     

 

                        




                                                                           *

BOND

EITT SINDUR SKEIVT FOTOGRAFERAÐ TÍ MÁLNINGURIN VAR SO HEILT ÓLUKKSÁLIGA STÓRUR OG HONDIN SUM HELT TÍ EVARSKA LÍTLA FOTOTÓLINUM SKALV

tað vóru

øll hesi orðini

ið avgjørdi

hvar pøsirnarnar

skuldi standa

meðan tøgnin

varð skapt

í trúnaði

soleiðis sum

stólurin kravdi

annars slapp eingin

at sita á honum

nakrantíð

aftur

og einki hjálpti

um klæðini

vóru dálkað

av alskyns

litum

*

bonus:

.

JAZZ

                                                     so gott

at hoyra jazz

páskanátt

teir deyðu

tónarnir

rísa upp aftur

úr saxofonini

og eingin órógvar

við telefonini

og coronuni

og eg hugsi um orðið

svøvil

sum fær húkin

at snara

og um ta hørðu lagnu

at enda sum standmynd

í bronzu
 sementi

elle rustfríum stáli

og tað

fúnaða træverkið

har eingin longur situr

og roykir

sína fyrstu og

síðstu sigarett

men man tað ikki vera loyvt

at roykja á himnum 

um jazztónar

verða spældir

tí tónleikarar leggjast støðugt til

í erva
og teir kunnu skjótt møðast av hørputónum

                                      
                                   *

GLEÐILIGAR PÁSKIR

                                       *

SLØÐ

føroyar sum

illa yrkt

kvæði við

ongum

niðurlagi

einki

benjardøgg

ein lítlan

løgg

ella drøgg

men
bara

skrøgg

skrøgg og

upp aftur

meiri

skrøgg

*

DUBLETT

vit sum

gleðast

um einki

fáa gron

tá okkurt

hendir

*

myrkrið

lýsir

á meg

sum ein

náttpottur

á vetri

*