søndag den 17. november 2013

TEY TJÓÐSKAPUTU


tey tjóðskaputu
ber ikki til
at skifta orð við

tey eru sum
vitnini hjá 
jehova

flenna býtt
tá tey ikki megna
eitt mótargument

tá tey tjóðskaputu
verða sett føst
siga tey

tú ert so danskur
ella tú vilt
snakka sum kjøpinhavnari

tey tjóðskaputu
tola ikki x og z og q og c
tí hesir bókstavir

eru ikki
nóg tjóðskaputir
hjá teimum tjóðskaputu

sparlaeygunum
at síggja 
so um teir ikki

verða reinsaðir
heilt úr málinum
umhugsa tey

tjóðskaputu
at seyma eygnalokini
føst í kjálkarnar

so øll skulu
síggja hvussu
tjóðskaput

tey eru 
og vit kunnu 
sannførast um

hví vit standa
og tøva málsliga
og ikki minst

bókmentaliga
ongan veg koma
tí tey

tjóðskaputu fyrst
skulu staðfesta
at andin er reinsaður

við føroyskum
sparlalúti og sær líka
fávitskutur út

sum tann
tjóðaskaputi
tí tann

tjóðskaputi er
so mikið tjóðskaputur
og trongskygdur

at hann hatar seg
sjálvan 
um hann ikki

hvønn dag
sær seg í speglinum
sum tann mest tjóðskaputa

av øllum
tjóðskaputum
ullaposum

landið 
hevur 
lembt

Ingen kommentarer:

Send en kommentar