ANDARÚM

pínslaváttar í hvørjari krubbu

hóast eingin krubba er at finna

og í hvørjari skuffu

og skuffurnar eru nógvar men eingi skáp

hvat skal eg við slíkum myndum

sum detta niður av bróstinum

stovan er full av slíkum

sum ikki kann anda ella andast

vindeyguni kunnu ikki latast upp

og hurðin bara í myrkri

tá eg tveiti meg sjálvan út

sum ein ónýtiligan dreym

um gulnaði brøv full av spøkilsum

ið ikki vilja vera her

tí eingin er at spøkja eftir

















.